आदिमाया, आदिशक्ती अशी देवीची अनेक रूपे आहेत. माणसाला जगण्याचे बळ तिच्या आराधनेतून मिळते, अशी भावना आहे. ‘श्रीदेवीदर्शन’ या पुस्तकातून डॉ. सीताराम गणेश देसाई यांनी देवीच्या उपासनेबद्दल मार्गदर्शन केले आहे. उपासना कशी करावी, का करावी आणि ती केल्यास काय फळ मिळते, याचे विवेचन यात केले आहे. पुस्तकात सुरुवातीला सप्तशतीच्या कथा सांगितल्या आहेत. सुरथ राजा, समाधी वाणीची गोष्ट, महामायेची कथा, शुंभ-निशुंभाचा वध, देवीचरित्र पठणाचे महात्म्य अशा १५ कथा आहेत. नंतर श्री दुर्गा सप्तशती आणि पाठविधी, श्री देवी अथर्वशीर्ष अथवा देव्युपनिषद, ध्यानश्लोकसंग्रह, देवीचे प्राधानिक रहस्य, वैकृतिक रहस्य, मूर्तिरहस्य, सप्तशतीचे काही सिद्ध संपुटमंत्र, शारदीय नवरात्र, नवरात्री उत्सव गीत, आरती, व्रते, श्रीसूक्त, देवीची अष्टोत्तरशत नामावली, देवीची उपनिषदे, देवीची १५ तीर्थक्षेत्रे, भारतातील देवीक्षेत्रे, देवीचे सण, प्रभावी देवीस्तोत्रे या पुस्तकात आहेत. दिवाळीतील लक्ष्मीपूजनाच्या विधीचीही माहिती यात दिली आहे.
पुस्तक : श्रीदेवीदर्शन
लेखक : डॉ. सीताराम ग. देसाई
प्रकाशन : पंचतत्त्व प्रकाशन
पृष्ठे : २०१
मूल्य : १५०
(‘श्रीदेवीदर्शन’ हे पुस्तक ‘बुकगंगा डॉट कॉम’वरून घरपोच मागविण्यासाठी किंवा ई-बुक स्वरूपात खरेदी करण्यासाठी खाली लिंकवर क्लिक करा.)
